ننګرهار کې د یوې کورنۍ د ۶ وژل شویو غړو قاتلين ونيول شول

د ننګرهار امنيه قوماندان شيخ الحديث نداء محمد نديم وايي، د عبدالجميل او محمد اعظم په نومونو هغه دوه تنه قاتلين يې نيولي،چې څو ورځې وړاندې يې د کوز کونړ ولسوالۍ شګې سيمه کې د مولوي ابراهيم په ګډون د هغه د کورنۍ شپږ غړي په بې رحمۍ  سره وژلي ول. 

ندیم وایي، نيول شویو کسانو پر خپل جرم اعتراف کړی دی،چې د محکمې له پرېکړې وروسته به د شريعت له مخې ور سره چلن وشي.

امنيه قوماندان دغه راز کوز کونړ ولسوالۍ کې د وژل شویو  کورنيو غړو سره په ليدنه کې دوی ته د تسليت مراتب وړاندې کړي او د يتيمانو روزنې او کفالت په برخه کې يې ډاډ ورکړی.