کابلوف: له افغانستانه د کډوالو څپې مخنیوي لپاره باید کنګل شوې شتمني خوشې شي

 د افغانستان لپاره د روسیې ځانګړي استازي ضمیر کابلوف خبرداری ورکړی دی،چې د افغانستان د شتمنیو کنګل کول ښايي په سږني ژمي کې د اروپا پر لور د زرګونو افغان
کورنیو د ورتګ لامل شي.

کابلوف ویلي، که اروپا غواړي،چې د افغان کډوالو د تازه څپې مخینوی وکړي، نو د افغانستان کنګل کړې شتمني دې خوشې شي.

 هغه ویلي،غرب باید هڅه وکړي،چې زرګونه افغان کورنۍ هېواد پرېښودو ته اړې نه شي او د هغوی پیسې ازادې شي.

تر دې وړاندې هم کابلوف له اروپايي هېوادونو غوښتي ول، چې له اسلامي امارت سره تعامل وکړي.