حقاني: کابل کې سر له سبا د پاسپورټونو وېش لړۍ پيل کېږي

د افغانستان پاسپورَټ ریاست مشر عالم ګل حقاني  نن شنبه د «۱۴۰۰ کال د لېندۍ پر ۲۷ مه» د یوې خبري ناستې پر مهال وویل، سر له سبا به په کابل کې د پاسپورټونو دویش لړۍ له سره پيل شي.

حقاني  وايي، د پاسپورټونو د اخېستلو لپاره به پرلیکه فورمې ډکېږي، خو په خبره یې انلاین فورمونو تغیر کړی او د پخواني فورم له مخې پاسپورټ نه ورکول کېږي.

حقاني وايي، له دې وروسته به د ورځې اوه زره پاسپورټونو ووېشل شي.

حقاني همداراز وویل، په اوونۍ کې یوه ورځ،چې هغه پنجشنبه ده،یوازې طالبان کولی شي،پاسپورټونه واخلي.

د افغانستان پاسپورټ ریاست وايي، تر دې دمه یې شپږ سوه میلیونه  افغانۍ د دولت خزانې ته راټولې کړي دي.

نوموړي زیاته کړه،د نورو ولایتونو پېژندپاڼو لرونکو ته په کابل کې پاسپورټونه نه ورکول کېږي.