خو کورنیو چارو وزارت بیا دا راپور ردوي او وايي:« موږ دا راپور ردوو. دا راپور په بې اساسه ادعاوو ولاړ دی. په دې راپور کې له هغه چا مالومات اخېستل شوي،چې له اسلاميامارت سره دښمني لري. که ملګري ملتونه اسناد او شواهد لري، ولې یې له موږ سره له شریکولو ویرېږي؟»
اخوا د بښنې نړیوال سازمان په تازه راپور کې هم اسلامي امارت په ورته وژنو تورون کړی او ویلي یې دي،چې په تېرو څلورو میاشتو کې د تېر حکومت یو شمېر نظاميان او لږکي شکنجه شوي او وژل شوي دي.
اسلامي امارات تر دې دمه د ملګرو ملتونو د دغه راپور په تړاو رسمي ځواب نه دی ورکړی خو تل یې دغه ډول راپورونه رد کړي او ټینګار لري،چې دوی عمومي بښنه کړې او څوک ترې سرغړونه نه شي کولای.
