Skip to content
د سپینې ماڼۍ ویاندې جن ساکي د دوشنبې پر ورځ د «۱۴۰۰ کال د لېندۍ پر ۲۲ مه» یوې ناسته کې وویل، دوی نه شي کولی،چې د افغانستان کنګل شوې شتمني ازاده کړي.
ساکي ویلي، تر اوسه یې حکومت د افغانستان د کنګل شویو پیسو خوشې کېدو لپاره کومه لارنه نه ده پیدا کړې او نه هم په دې اړه پرېکړه نیول شوې.
نوموړي زیاته کړې، د افغانستان اوسنی حکومت دغې شتمنۍ ته لاس رسی نه لري او په خبره یې د دغو پیسو خوشي کېدل او نه خوشي کېدل د سپټمبر د ۱۱مې پېښې او د نورو ترهګریزو بریدونو په قربانیانو پورې اړه لري.
دې همدارنګه ویلي، کېدای شي د افغانستان د شتمني کنګل به راتلونکی کال هم دوام وکړي.
پر افغانستان د اسلامی امارت تر واکمن کېدو او د پخواني حکومت تر نسکورېدو وروسته امریکا د افغانستان نږدې ۱۰ میلیارده ډالره شتمني کنګل کړې ده.
اسلامی امارت په ځلونه له امریکا د دغو پیسو ازادېدو غوښتنه کړې ده، خو بیاهم دا پانګه تر اوسه کنګل پاتې ده.
