نظار یوسفزي باندې پرون شپه د زړه حمله راغلې او په خپل کور کې وفات شوی دی.
د یوسفزي جنازه نن مازیګر د کوزې پښتونخوا په شاه منصور سیمه کې خاورو ته سپارله کېږي.
نظار یوسفزي له تېرو څو کلونو راهیسې په دوبۍ څانګه کې له شمشاد تلویزیون سره کار کاوه.
هغه نه یوازې ژورنالستیکي فعالیتونه درلودل،ترڅنګ یې په مدني او فرهنګي برخه کې هم د پام وړ هلې ځلې کړي دي.
اخوا ګڼو افغانانو بیا د نظار یوسفزي پر مړینه خواشیني ښودلې ده.
څلور ورځې وړاندې د نظار یوسفزي مشر ورور هم وفات شوی و.
