جوزجان کې د کلفت په نوم سوداګریز بندر بیا فعاله کېږي

د جوزجان ولایت ځايي چارواکي وايي، په قرقین ولسوالۍ  کې چې د کلفت سوداګریز بندر له ډېرې مودې راهېسې تړل شوی وو، اوس یې اسلامي امارت بېرته فعاله کوي. 

دوی ویلي، د دغه بندر بیا فعاله کېدل به د هېواد پر اقتصادي پرمختګ کې مثبت رول ولوبوي.

دوی زیاتوي،چې په دې سره  به د سیمې خلکو ته د کار کولو زمینه هم برابره شي.

د مالوماتو له مخې، په هرات کې د تورغونډۍ او په اندخوی کې د اقینې بندر وروسته په جوزجان کې د کلفت سوداګریز بندر مهم حسابېږي،چې باید فعال شي.

د جوزجان په قرقین ولسوالۍ کې عامو خلکو د اسلامي امارت له دې اقدامه هرکلی کړی.