د افغانستان اسلامي امارت د ویاند مرستیال بلال کریمي وايي،هغو سیاسیونو ته په نظام کې ځای ورکوي،چې پر وینا یې ښه مخېنه ولري او ملي ګټو ته ژمن وي.
کریمي زیاتوي:«د هېواد کوم تشکیل شوی نظام دی ټول هغه کسان په کي شامل دي،چي پاکه سابقه ولري او د هېواد ګټو ته ژمن وي.»
کریمي وایې،حکومت جوړښت د افغانانو کار دی او په شته نظام کې هم ټولو ته ونډه ورکړل شوې ده.
کریمي زیاتوي:« دحکومت ساخت او تشکیل د افغانانو کورنۍ مسله ده، اوسنی چې کوم نظام تشکیل شوی دی، ټول افغانان اقوام او اقشار په کي شرکت لري، نظام به نور هم تقویه شي او با استعداد کسان به په کي پر دندو ګومارل کېږي.»
نړیوال داسې ټول ګډونه حکومت غواړي،چې پر وینا یې ټولو اړخونو، قومونو او فکرونو ته په کې ځای ورکړل شي.
شنونکي بیا پخواني سیاسیون د حالاتو په کابو کولو کې پاتې بولي،چې پر وینا یې وضعیت تر دې ځایه راورسېد.
شنونکی ډاکتر حکمت الله امرخېل وايي:« موږ ټول شموله وایو، نړیوال هغه ټول شموله حکومت غواړي،چي پخواني سیاسیون په کي وي،ځکه پخواني سیاسیون د هېواد لپاره کار نه دی کړی او د ټولو بدبختیو لامل همدوي دي.»
اسلامي امارت وایې نړیوال دې افغانان پرېږدي،چې خپل نظام او حکومت جوړ او د هېوادوالو چوپړ وکړي.
نړیوال لاهم د بشري حقونو درناوی، ښځو حقونه، بیان آزادي، ټول ګډونه حکومت او نورې غوښتنې لري.
