په کابل کې د ترکیې سفیر جهاد ارګین د اسلاميامارت د رئیس الوزرا سیاسي مرستیال سره لېدنه کې ډاډ ورکړی دی،چې هېواد یې افغانستان سره مرستو، همکارۍ او په بېلابېلو برخو کې پانګونې ته دوام ورکوي.
دغه لېدنه چې په سپیدار ماڼۍ کې ترسره شوه،د ترکیې سفیر وویل، د سرې میاشتې ټولنې پر مټ یې افغان کډوالو او بې ځایه شویو ته مرستې رسولي او دغه لړۍ لا هم دوام لري.
ارګین زیاته کړې:« موږ به د افغانستان کرنې وزارت سره د اصلاح شوي تخم مرسته وکړو. همدا راز به کندهار او هرات ولایتونو او په کجکي ولسوالۍ کې د هغو عمراني پروژو کار چې ترکیه یې تمویل کوي، دوام ورکړو.»
ارګین د ریاستالوزرا سیاسي مرستیال ته ډاډ ورکړی دی،چې ترکي پانګه وال په افغانستان کې پانګونې ته لېواله دي او په دې تړاو به کابل ته سفرونه ولري.
ارګین زیاته کړې:« ترکي پانګه وال لېواله دي،چې په بېلابېلو برخو کې دلته پانګونه وکړي او یو شمېر به یې راتلونکې اوونۍ افغانستان ته سفر وکړي.»
د اسلامي امارت د ریاست الوزرا سیاسي مرستیال مولوي عبدالکبیر د دواړو هېوادونو مناسبات لرغوني او دوستانه وبلل، فغانستان کې یې د تیکا موسسې فعالیتونه وستایل او د یاد بنسټ د لا زیاتو مرستو غوښتنه یې وکړه.
نوموړي ډاډ وښود،چې د ښځینه وو زده کړو او حقونو ته ژمن دي او دا مهال په بېلابېلو ادارو کې ګڼې ښځينه کارکوونکې پر دندو بوختې دي.
د نوي تعلیمي طرحې په بشپړولو سره په راتلونکي کال کې په ټول هېواد کې د نجونو ښوونځي بېرته پرانېستل شي.
