حماد افغان لیکلي:« زموږ او د ولس غوښتنه دا ده،چې کوم بې ضمیره خلک وسلې او نور مهمات پاکستان ته لېږدوي او یا یې داخل کې پلوري، دولت باید دغه خلک عام محضر کې په دار کړي، تر څو د خیانتګرو لپاره عبرت شي. پر هره فرضي دروازه باید د هر موتر جدي پلټنه وشي او بیا پریښودل شي. د خیانت بښل ولس سره ظلم دی.»
له دې سربیره ګڼو نورو عامو خلکو او طالبانو د وسلو قاچاق ملي خیانت یاد کړی او له مسوولینو غوښتنه شوې،چې قاچاق وړونکو سره سخت چلن وکړي.
د بهرنیو چارو وزارت د اقتصاد ر مشر شفیع اعظم وايي:« د وسلې قاچاقچیان او ملګري یې را ټینګ کړئ. دې کې که پر لوړه کچه څوک دخیل دي یا ټیټه کچه؛ ټول غدار دي.دا صف او دا هېواد داسې خلکو ته قطعا اړتیا نه لري. دا صف تصفیه کول غواړيي.»
