صنعت او سوداګرۍ وزارت: د خوراکي او سون توکو بیو لوړوالی یوه نړیواله ستونزه ده

د افغانستان صنعت او سوداګرۍ خونې مسوولین وايي، په بازارونو کې د خوراکي او سون توکو بیو لوړوالی د اسلامي امارت له راتګ سره هېڅ تړاو نه لري او په وینا یې دا یوه نړیواله ستونزه ده.

دوی وايي، په دې برخه کې هېڅ ډول احتکار نه شته دی او نه هم دا مسله د اسلامي امارت له راتګ سره کوم تړاو لري.

 دوی زیاتوي، تېر کال د يو بېرل تېلو بيه ۴٠ ډالره وه او اوس څه د پاسه ٨٠ ډالرو ته رسېدلې،چې دا نه د اسلامي امارت ستونزه ده او نه هم د سوداګرو.

دغه راز  دوی ویلي، د ډالرو د ارزښت لوړېدل هم د بيو پر لوړوالي کې مهم رول لري.

 د مسوولینو په خبره، د بیو د کنټرول لپاره یې له ایران او ترکمنستان سره خبرې روانې کړي،چې افغانستان ته ځانګړی تخفیف ورکړي.