د سیاسي چارو یو شمېر شنونکي وايي، افغانستان کې اوس د امریکا د ګټو حکومت نه شته او واشنګټن له دې شل کلنې ارزیابۍ غواړي، طالبانو سره د اړیکو لپاره یوه نوې لار وکاږي.
شنونکی عبدالحی قانت وايي:« اوسني حکومت ته د کانګرس ارزیابي هېڅ مانا نه لري، اوس چې کوم حکومت دی،هغه د امریکا د ګټو حکومت افغانستان کې نه ده جوړ افغانستان کې داسې حکومت جوړ شوی ده،چې امریکا لار ګوري څنګه ورسره د تعامل لار پیداکړي. دا د امریکا کورنۍ موضوع ده او په افغانستان کې پر نوي حکومت هېڅ اغیز نه لري.»
تر اوسه څرګنده نه ده چې دا کمېسیون به کله کار پیلوي.
خو له افغانستان څخه د امریکايي سرتیرو وتلو پر نړیواله کچه د امریکا ماموریت تر پوښتنې لاندې راوستی دی.
شنونکی قریب الرحمن شهاب وايي:«له کمېټې د امریکایانو هدف دای،چې له یوه لوري نړیوالو ته قناعت ورکړي،چې د دوی راوتل معقول کار وه. دویمه مسله داده،چې افغانستان کې راتلونکې لپاره د نوي حکومت سره اړیکې پیل کوي،هغه باید یو دلیل ولري.»
د چین او روسیې په ګډون ایران هم د امریکا وتل له افغانستان څخه د واشنګټن بې شرمانه ماتې بللې ده او افغانستان کې یې د روان وضیعت مسوولیت او ملامتي په لویدځ اچولې ده،چې هرڅه یې ویجاړ پرې ښودل.
