خوستی: کابل کې دوه تنه انسان تښتوونکي نیول شوي 

د کورنیو چارو وزارت ویاند قاري سعید خوستی وايي، د کابل پولیسو هغه دوه انسان تښتونکي نیولي،چې شااوخوا درې میاشتې وړاندې یې یې یوه مور او د هغې زوی د درېیمې امنیتي حوزې په مربوطاتو کې تښتولي وو.

خوستي پر خپله ټویټر  پاڼه لیکلي، د کابل د درېیمې امنیتي حوزې پولیسو هغه دوه کسان نیولي،چې تښتول شوي مور او زوی یې د ۳۵ زره ډالرو په بدل کې خوشې کړي ول.

 هغه زیاتوي، دغه انسان تښتونکي د اسلامي امارت د ځواکونو تر جدي تعقیب لاندې وو، چې بالاخره ونیول شول.

د خوستي په خبره، له یادو کسانو درې تفنګچې، پنځه زره او درې سوه ډالر، ټیلفونونه او نور ګواښونکي توکي نیول شوي دي.