افغان پوسټ د اسنادو مدیریت سیستم پرانېست

د افغان پوسټ شرکت مسوولین وايي، د دې شرکت تخنیکي ډلې په اداري چارو کې د روڼتیا او چټکتیا په موخه د اسنادو د مدیریت سیستم رامنځته کړ.

 دوی وايي، د دغه سیسټم له لارې به د افغان پوسټ شرکت ټولې لیکنیزې چارې، برېښنايي بڼې ته واړوي او نور به د رسمي مکتوبونو، استعلامونو، وړاندیزونو او نورو ورته فزیکي مکتوبونو د پړاونو بشپړول په برېښنايي بڼه تر سره کېږي.

افغان پوسټ بهر ته او د هېواد دننه د اسنادو د لېږلو یوازېنی شرکت دی،چې په چټکه بڼه د نړۍ ګوټ ګوټ ته د خلکو اسناد، مکتوبونه او استعلامونه لېږي.