په کوچني عمر کې د ماشومانو ورکړه او پلور د قانون له اړخه منعه دی،خو فقر او لوږه هغه څه بلل کېږي،چې وروستیو کې په کوچني عمر کې د ماشومانو ورکړه او پلورته يې زمینه برابره کړې .
شرین ګله د ماشومي مور وايي:« ما یوه اوونۍ ډوډۍ نه ده خوړلې، زړه مې نه غوښتل،چې ماشومه مې وپلورل شي. اړ وو، بله چاره مو نه لرله. دلته ډېرو نورو کسانو هم ماشومان پلورلي دي. موږ خپله ماشومه د ډېرې سختې لوږې او بې وزلۍ له امله پلورلې. »
یوازې جان محمد نه دی،بلکي دلته د ماشومانو او بدن غړو د پلور څو نورې پېښې هم شوې دي .
ځايي چارواکي هم مني،چې بي ځایه شوې کورنۍ له سخت اقتصادي بحران سره مخ دي، خو وايې،هڅه کوي،چې د خلکو ستونزو ته رسېدنه وکړي .
افغانستان کې د نوې حکومت په راتلو سره د توکو بيې لوړې شوي، کاروبار رالویدلی او خلک له سخت اقتصادي بحران سره مخ دي
ملګرو ملتونو اندیښنه ښودلې ده،که چیري له دغه هېواد سره بېړنۍ مرستې ونه شي،نو ښايي روان انساني ناورین نور هم پراخ شي.
