اسلامي امارت ځواکونو یو ماشوم د انسان تښتوونکو له منګلو وژغوره

د اسلامي امارت ویاند ذبیح الله مجاهد پر خپله ټویټر پاڼه لیکلي، د کابل ښار څلورمې حوزې اړوند سيمه کې یې د سهراب په نوم يو ماشوم، چې د پلار نوم یی گل اغا دی د انسان تښتونکو له منګولو ژغورلی دی.

ذبیح الله مجاهد لیکلي، یاد ماشوم دوه ورځې وړاندې د کابل پشت کوتل سیمه کې تښتول شوی و، چې د مجاهدینو لخوا د انسان تښتوونکو له منګولو ازاد کړل شو.

سهراب یې اوس له خپلې کورنۍ سره یو ځای شوی، خو مجاهد نه دي ویلي، چې په دې تړاو یې څوک نیولي دي که نه.