چین: نړیوال مالي بنسټونه باید له افغانستان سره همکاري پيل کړي

په ملګرو ملتونو کې د چین دایمي استازي ژانګ جون د امنیت شورا په غونډه کې ویلي، د پیسو نړیوال صندوق او نړیوال بانک دې له افغانستان سره خپله همکاري بېرته پيل کړي.

ژانګ جون ویلي، اوسمهال افغانستان د نړیوالو مرستو ته اړتیا لري.

نوموړي دغه راز ویلي، نړیوال دې له افغانستان سره خپلو تعاملاتو ته دوام ورکړي او په دغه هېواد کې دې دایمي ثبات او پرمختګ ته لاره پرانیزي.