وزیرانو شورا ناسته: سرې میاشتې ته دنده سپارل شوې کابل کې سوالګر تثبیت او مرستې ورسره وکړي

د وزیرانو شورا لسمه غونده کې چې پرون د رییس الوزرا ملا محمد حسن اخند پر مشرۍ ترسره شوې، د نورو موضوعاتو ترڅنګ سرې میاشتې ټولنې ته دنده سپارل شوې، چې په کابل کې سوالګر تثبیت او مرستې ورسره وکړي.

د وزیرانو شورا غونډې په اعلامیه کې لیکل شوي، سرې میاشتې ته دنده سپارل شوې، چې د سوالګرو د ځای، خوراک، پوښاک، دارو درملو د برابرولو او د هغوی د پاللو لپاره ریاست الوزرا ته خپل راپور وړاندې کړي.