د ازبکستان بهرنیو چارو وزیر عبدالعزیز کاملوف په یوې تازه مرکه کې ویلي، هېواد يې له افغانستان سره د ښو اړیکو غوښتونکی دی او دغه هېواد کې دایمي ثبات، د تاشکند او سیمې نورو هېوادونو په ګټه دی.
د هغه په خبره، له افغانستان سره د ازبکستان اړیکې تاریخي دي او په هر ډول شرایطو کې به د افغانانو تر څنګ ودرېږي.
د ازبکستان د بهرنیو چارو وزیر ټینګار کړی، چې هېڅکله به د افغانستان په کورنیو چارو کې لاس وهنه ونه کړي او له افغانانو سره د اړیکو دوام به یې پر دوه اړخیزو ګټو ولاړ وي.
