راپورونه: افغانستان کې بریتانوي سرتېرو بې ګناه افغانان وژلي

د بي بي سي انګلیسي څانګې په دې اړه یو راپور خپور کړی او له هغو بریتانوي عسکرو سره یې مرکې کړې، چې افغانستان کې یې ماموریت ترسره کړی وو.

په راپور کې ویل شوي، په افغانستان کې د نورو بهرنیو سرتېرو سربېره بریتانوي سرتېرو هم ګڼ شمېر بې دفاع اسیران وژلي او بیا یې اسناد او شواهد هم له منځه وړي دي.

راپور کې راغلي، چې د بریتانیا ځانګړو ځواکونو په داسې حال کې دا بې دفاع اسیران وژلي، چې د هغوی لخوا ورته هېڅ راز ګواښ هم نه و متوجه.

یوازې په ۲۰۱۷ کال کې یې اووه تنه هغه بې دفاع افغانان وژلي، چې هڅه یې کوله ځانونه پټ کړي.