ایران: د سیمې ثبات د افغانستان په ثبات پورې تړاو لري

د افغانستان لپاره د ایران ځانګړي استازي حسن کاظمي قمي کابل ته د سفر پر مهال ویلي، افغانستان کې باید ثبات راشي تر څو د سیمې ثبات یقیني شي.

کاظمی ویلي، یو شمېر هېوادونو هڅه کوله، چې افغانستان کې خپلو  ترهګریزو موخو ته ورسېږي، خو بریالي نه شول.

دا چې دا کوم هېوادونه و، هغه یې په اړه څه نه دي ویلي، خو ایران تر ډېره د هر ډول ملامتیا او تشې ګوته امریکا ته نیسي.

هغه ویلي، د خپل هېواد د هغو هڅو ملاتړ کوي، چې د باثباته افغانستان لپاره یې لري.

د کابل لپاره د تهران ځانګړي استازي د سفر موخه د دوه اړخیزو سوداګریزو او اقتصادي اړیکو پراختیا ښودل شوې.