ننګرهار:د ختیځ لبنیاتو کارخونه هره ورځ ۳۵۰۰ کیلو ګرامه شېدې پروسس کوي

د ننګرهار ولایت ځايي مسوولین وايي، په مرکز جلال اباد ښار کې د ختیځ لبنیاتو کارخونه هره ورځ شااوخوا ۳۵۰۰  کیلو ګرامه شېدې په لوړ کیفیت پروسس کوي او د شېدو ساتلو ترڅنګ ترې مستې، شړومبې، کووا، چکه، پېروی، ملایي او پنېر تولیدوي.

دوی وايي، په یاده کارخونه کې  ۲۲ تنو ته په مستقیم او ۲۳ نورو ته په غیر مستقیم ډول د کار زمینه برابره شوې.

د کرنې وزارت مسوولین ډاډ ورکوي،چې په هېواد کې به کرنې او مالدارۍ ته ځانګړې پاملرنه کوي او د کرنې او مالدارۍ له اړخه به افغانستان پر ځان بسیا کوي