د کابل ښار دشت برچي سیمه کې پرون ماذدیګر پر یوه مسافر وړونکي ښاري بس چاودنې دوه تنه وژلي او درې نور یې ټپيان کړي دي.
د اسلامي امارت ویاند، ذبیح الله مجاهد پیښه تاییدوي او ویلي یې دي، چې ظاهرا چاودنه د اورلګېدنې له امله رامنځته شوې ده.
خو رویټرز خبري اژانس د دولتي سرچینو او عیني شاهدانو له قوله ویلي، پېښه د چسپکي ماین چاودنې له کبله وه او له لسو زیات کسان په کې وژل شوي او ټپیان شوي دي.
مجاهد پر خپله ټوېټر پاڼه قربانیان ملکیان یاد کړي او ویلي یې دي، چې د پیښې د علت او څرنګوالي په اړه د دوی پلټنې روانې دي.
یوه سرچینه وايي، پېښه کې د یو خصوصي ټلویزیون خبریال هم وژل شوی او نږدې اووه تنه ټپیان شوي دي، خو تر اوسه یې مسوولیت کومې ډلې نه دی منلی.
