په نړیوالو سازمانونو کې د روسیې استازي میخایل اولیانوف ویلي، د افغانستان پر وړاندې د امریکا سیاست له سیاسي، نظامي، ډیپلوماتیک او بشردوستانه پلوه په بشپړه توګه له ماتې سره مخ ده.
میخائیل اولیانوف ویلي، د افغانستان پر وړاندې د امریکا سیاست غلط دی او ماتې یې خوړلې ده.
میخائیل اولیانوف دغه راز نیوکه کړې، چې افغانستان له شل کلنې جګړې وروسته له سخت فقر سره مخ دی او امریکا ناسم سیاست په مخکې اچولی او د افغانستان شتمني یې کنګل کړې ده.
اولیانوف ویلي، د افغانستان پر وړاندې د امریکا په سیاست کې جدي اشتباهات شتون لري، چې په وینا یې له سیاسي، نظامي، ډیپلوماټیک او بشر دوستانه پلوه یې په بشپړه توګه ماتې خوړلې او هېڅ درس او عبرت ترې نه شي اخیستی.
له دې وړاندې هم چین او روسیې د اقتصادي بحران مخنیوي په موخه پر افغانستان د لګول شویو بندیزونو د لرې کولو غوښتنه کړې وه، خو لا هم امریکا او ملګري یې پر افغانستان لګول شوي بندیزونه نه دي لرې کړي.
