پاکستان ته تللي افغان پلاوي هلته له مېشت افغان مهاجرینو سره کتلي

د افغانستان بهرنیو چارو وزیر مولوي امیر خان متقي په پاکستان کې مېشت د افغان مهاجرینو له استازو سره کتلي.

قطر کې د اسلامي امارت د سیاسي دفتر ویاند، ډاکټر محمد نعیم ویلي، ناسته کې مهاجرینو له سرپرست وزیر سره خپلې ستونزې او وړاندیزونه شریک کړي او د ژر حل تمه یې کړې ده.

 ډاکتر نعیم ویلي، مهاجرین په تېرو شلو کلونو کې د افغانستان مظلوم، بې ‌اسرې او بې ‌پوښتنې قشر و، چې د بهرنیو چارو وزیر امیر خان متقي یې ستونزې واورېدې او ډاډ یې ورکړی، چې د حل برخه کې به یې چټک اقدامات تر سره کړي.