متقي: د ملي امنیتي او د فاعي ځواکونو مخکیني غړي نور د نظام برخه نه شي جوړېدای

د اسلامي امارت بهرنیو چارو سرپرست وزیر د پاکستان ستراتېژیکو مطالعاتو انسټیټیوټ کې ویلي، افغانستان نور ستر پوځ ته اړتیا نه لري او نه به هم د مخکیني رژیم د ملي امنیتي او دفاعي ځواکونو غړيو ته په خپلو لیکو کې ځای ورکړي.

متقي ویلي، کوم پوځ چې بهرنۍ مداخلې جوړ کړی و، په دومره ډېر شمېر ورته نوره اړتیا نه شته.

د ستراتېژیکو مطالعاتو انسټیټیوټ په اسلام آباد کې د پالیسۍ یو سازمان دی، چې د پاکستان د حکومت لخوا چلول کېږي.