دغې پاکستانۍ مدني فعالې د انګلستان په برمېنګم ښار کې کوچني مراسم ترسره کړي او انځورونه یې پر خپله ټویټر پاڼه خپاره کړي دي.
له انځورونو سره یې د عصر ملک په نوم د یوه کس یادونه کړې، چې ملالې د خپل راتلونکي ژوند همسفر بللی دی.
په انځورونو کې د ملالې پلار ضیا الدین یوسفزی هم ښکاري.
ملالې پخپله ټویټر پاڼه لیکلي، چې د نکاح مراسم یې په خپل کور کې په لندن کې په ډېر محدود ډول ترسره کړي دي.
ملاله یوسفزۍ په ۲۰۱۲ کال کې په سوات کې د مدني فعالیت پر مهال د وسله والو له لوري په ډزو ویشتل شوې وه.
هغه په ۲۰۲۰ کال کې له اکسفورډ پوهنتون د خپل فراغت اسناد هم ترلاسه کړي دي.
