جک سلیوان: تر هغو چې افغانستان کې پراخ بنسټه حکومت جوړ نه شي، کنګل شوې پیسې نه ازادوو

د امریکا ملي امنیت سلاکار جک سلیوان ویلي، تر هغو د افغانستان کنګل شوې شتمني نه آزادوي، تر څو اسلامي امارت یو پراخ بنسټه حکومت نه وي جوړ کړی.

جک سلیوان ویلي، دوی له طالبانو غواړي، چې په حکومتي جوړښت کې هغه شرایط ومني، چې نړیوال یې ترې غواړي.

سلیوان ویلي، له حکومت پرته به افغانانو سره مرستو ته د پخوا په څېر دوام ورکړي.

اسلامي امارت بیا ویلي، حکومت یې پراخ بنسټه دی، خو د بهرنیانو فرمایش نه شي منلی او د امریکا په ګډون د نورو هېوادونو دغه خبرې یې د افغانستان په کورنیو چارو کې لاسوهنه بللې دي.