امریکا له افغانستانه د خپلو ملګرو د اېستلو لړۍ تر محدود وخته ځنډوي

د افغانستان لپاره د امریکا ځانګړي استازي ټام ویسټ ویلي، د ستونزو له امله له افغانستانه د خپلو ملګرو د اېستلو لړۍ به ژمي کې ودروي.

ټام ویسټ ویلي، د کابل د ویجاړ شوي هوایي ډګر چراغونه لا هم په معیاري بڼه نه دي رغېدلي، نو دوی هم غواړي په ژمي کې د ا بهیر ودروي.

امریکایي چارواکي له طالبانو غواړي، چې هغه برخې بېرته ورغوي کومې، چې دوی له افغانستانه د وتلو په مهال تخریب کړې وې.

 ټام ویسټ ویلي، اوسمهال کابل کې د امریکا د سفارت په خلاصون هم جدي خبرې نه کوي او په دې تړاو به تصمیم وروسته نیسي.