ننګرهار: ریکشاوو کې د وسله والو کسانو پر لېږد بندیز ولګېد

د ننګرهار والي په لارښوونه ټولو ريکشا چلوونکو ته خبر ورکول شوی، چې له دې وروسته د اسلامي امارت سرتېرو په ګډون هېڅ وسله وال کس ځان سره ريکشا کې ونه لېږدوي.

مسوولینو له خلکو هم غوښتي، چې په ريکشا کې د وسله والو کسانو په لېدو سره نږدې امنيتي مسوولينو ته خبر ورکړي.

چارواکو خبرداری ورکړی، چې د سرغړونې په صورت کې ريکشا چلوونکي سره قانوني چلند کېږي.

د مسوولینو په خبره، دا چاره د لا ډاډمن امنیت د رامنځته کېدو په موخه ترسره کوي.