د روسیې بهرنیو چارو وزارت ویاندې ماریا زاخاروا د افغانستان له خاروې د نشه یي توکو او ترهګرۍ ګواښونه موجود دي او روان دغه حالت روسیې ته ګواښ پیښولی شي.
د یاد وزارت ویانده ماریا زاخاروا زیاتوي:« زه دا تائیدوم،چې موږ ته له افغان خاورې د نشه يي توکو او ترهګرۍ ګواښونه موجود دي. په ټوله کې په سیمه او دغه هېواد کې حالات ښه نه دي،چې دا حالت موږ ته ستونزې پیښولای شي. زه باید ووایم،چې د طالبانو له واک ته رسیدو وروسته هم په دې حالت کې هېڅ بدلون نه دی راغلی.»
د سیاسي چارو شنونکي بیا وایي، که ګاونډیو هېوادونو ته د ترهګرو ګواښونه موجود دي، بیا دي په دې برخه کي له موجوده نظام سره همکاري وکړي،ترڅو د ترهګرو ډولو ګواښونه له منځه ولاړ شي.
شنونکی محمدنبي افغان وايي:« ښه خبره به دا وي،چې د سیمې هېوادونه د افغانستان له شته نظام سره همکاري وکړي، ترڅو د دغو پدیدو، ناخوالو او یا ګواښوونو پر ګډه مخه ونیول شي.»
د افغانستان اسلامي امارت ویاند مرستیال بلال کریمي بیا ژمنه کوي،چي له افغانستانه هېڅ ګاونډي هېواد او په ځانګړې توګه نړیوالو ته ګواښ موجود نه وي،خو د دې ګواښونو د مخنیوي لپاره باید نړیوال اسلامي امارت پرر رسمیت وپیژني، ترڅو راون ګواښونو په تړاو ښه مبارزه وکړي.
کریمي زیاته کړه:« د اسلامي امات له خپل لوري ټولو هېوادونو ته، هغه که ګاونډي هېوادونه دي او که د نړۍ نور هېوادونه دي، ډاډ ورکوي،چې د افغانستان له خاورې به هېچا ته ګواښ نه متوجې نه وي. خو د دې هېلې د بشپړېدو لپاره او د ټولو اندېښنو له منځه وړلو لپاره تر ټولو مهمه دا ده،چې د نړۍ هېوادونه په ځانګړې توګه ملګري ملتونه د افغانستان اسلامي امارت پر رسمیت وپېژني. دغه راز د افغانانو هغه کنګل شوې شتمني ازاده کړي.»
څو ورځي وړاندې امریکا ویلي وه،که په افغانستان کې د داعش پرضد مقابله ونه شي ،په شپږو میاشتو کي د دې امکان شته دی،چي له افغانستانه پر امریکا برید وکړي.
