د افغانستان بانک ویلي، خلک کولای شي په اوونۍ کې له بانکونو ۴۰۰ امریکاي ډالر او یا ۳۰ زره افغانۍ واخلي
له یاد بانک څخه په خپره شوې خبرپاڼه کې ویل شوي، دغه پرېکړه یې د امانتونو د ورکړې د بهی اسانتیا لپاره کړې ده.
د خبرپاڼې له مخې، د امریکایي ډالرو انفرادي حساب لرونکو ته په اوونۍ کې د څلور سوه امریکایي ډالرو ورکول او که چېرې په میاشت کې یوازې یو ځل د پیسو غوښتنه کېږي بیا کولی شي په میاشتني ډول تر دولس سوه امریکایي ډالرو او یا تر سل زره افغانیو ترلاسه کړي.
هغه پیسې، چې له دې وروسته په سوداګریزو بانکونو کې اچول کېږي، مالک یې کولی شي چې هر وخت وغواړي بېرته ټولې وباسي او یا یې بل حساب ته انتقال کړي.
