وانګ یي: چین له  افغانستان سره د تګ راتګ لارې هېڅکله نه تړي

د چین بهرنیو چارو وزیر وانګ یې ویلي، دوحه کې یې افغان لوري سره کتلي او همداراز یې د افغانستان په تړاو له نړیوالې ټولنې سره خبرې کړي دي.

وانګ ټینګار کړی، چې افغانستان سره بشر دوستانه مرستو ته ژمن دي او هېڅ وخت به له دې هېواد سره د تګ او راتګ لارې ونه تړي.

هغه ویلي، د سوداګریزو او اقتصادي اړیکو د  دوام او پراختیا لپاره په لېږد رالېږد کې یې لا ډیرې اسانتیاوې رامنځ ته کړي.

د چین بهرنیو چارو وزیر تمه ښودلې، چې نړیواله ټولنه افغانستان سره خپلې بشري مرستې زیاتې کړي.