بریتانیا له افغانستان سره ۶۹ میلیونه ډالره مرسته کوي

د مالوماتو له مخې، دا مرسته په تېره سپتمبر مياشت کې افغانستان ته د اعلان شوې ۳۹۱ ميليونه ډالرو له بوديجې ورکول کېږي.

د بریتانیا د لومړي وزیر دفتر ویلي، دغه مرستې به د خوراکي توکو، درملو او دغه راز د ۲،۵میلیونو افغانانو لپاره د سرپناه په جوړولو ولګول شي.

د دغو مرستو یوه برخه به د مېرمنو د پیاوړتیا په پروګرامونو هم ولګول شي.

د بریتانیا د لومړي وزیر بوریس جانسون له دفتره په خپره شوې اعلامیه کې راغلي، چې یادې مرستې به د ملګرو ملتونو د سازمان او سره صلیب نړیوالې ادارې لخوا افغانانو ته ورسول شي.