په سوېل کې د پکتیا ولایت لرې پرتې جاني خیلو ولسوالۍ یو شمېر اوسېدونکي وایي، تیرو شلو کلونو کې یې د سړک جوړیدو هېله پوره نه شوه او له اسلامي امارته غواړو،چې سړ ورته په پاخه ډول جوړ کړي.
دوی وايي، ولسوالۍ کې یې وړ روغتیایي خدمتونه نه شته او د سړک خرابوالي له کبله یې ډېری وخت ناروغان د څمکنیو روغتون ته نه رسېږي او په لاره کې ساه ورکوي.
د جاني خېلو ولسوالۍ یو تن اوسېدونکی وايي:« موږ له اسلامي امارته غوښتنه کوو،چې د ولسوالۍ سړک چې له کلونو راهیسې یې د جوړیدو چارې پیل کړي،له ځنډ پرته پیل کړي.»
د جاني خېلو ولسوالۍ یو بل اوسېدونکی بیا وايي:« د دغه سړک د جوړیدو چارې د جمهوریت په وخت کې څو ځله پیل شوې،خو بشپړې نه شوې. د دې تر څنګ یو شمېر نورې پروژې هم ځنډیدلي دي.»
د جاني خېلو اوسېدونکي همدا راز وایي،ولسوالۍ کې یې وړ روغتیایي خدمتونه نه شته او ډېری وخت یې د سړک خرابوالي له کبله ناروغانو د څمکنیو روغتون ته نه رسېږي او په لاره کې ساه ورکوي.
د جاني خېلو ولسوالۍ یو تن اوسېدونکی وايي:«ناروغان مو کلنیک ته نه رسېږي،ډېری وخت لاره کې ساه ورکوي.لامل یې د سړک خرابوالی دی. خلک مو ډېر بې وسه دي،هېله ده،چې دا سړک راته جوړ شي.»
د اطلاعاتو کلتور مشر خالقیار احمدزی وایي، امارت ته د جاني خېلو سړک جوړول لومړیتوب دی او په دغه ولسوالۍ کې به یو شمیر نورې ځنډیدلې پروژې هم پلې شي.
احمدزي زیاته کړه:« په رښتیا سره چې تېرو کلونو کې د جاني خېلو سړک جوړیدو چارې د ناامنی او نورو دلایلو له مخې ځنډیدلي دي. اسلامي امارت ته د دغه سړک جوړول لومړیتوب دی او تر څمکنیو به یې ورغوي.»
د جاني ېلو او څمکنیو سړک ۲۱ کیلو متره اوږدوالي لري، چې تېرو ۲۰ کلونو کې یې څو ځله د جوړیدو چارې پیل شوې،خو د ناامنۍ او ځینو نورو لاملونو له مخې به بېرته وځنډیدې.
