د نوبل جایزې ګټونکې ملالې یوسفزۍ اندېښنه ښودلې، چې اسلامي امارت به بیا د خپل تېر حکومت په څېر د نجونو د زده کړو مخنیوی و کړي.
هغې ویلي، ټولو اسلامي هېوادونو کې ښځو ته د زده کړو، کار او سیاست کې د ونډې اخیستوحق ورکول شوی او طالبان هم باید افغان ښځو ته دا حقونه ورکړي.
ملالې یوسفزۍ له پاکستانۍ ډان ورځپاڼې سره مرکه کې ویلي، د پاکستان او په ځانګړې توګه د عمران خان مسوولیت دی، چې پر طالبانو فشار راوړي تر څو نجونه زده کړو ته پرېږدي.
اسلامي امارت تازه په دې تړاو کوم غبرګون نه دی ښودلی، خو له دې وړاندې یې ویلي و، چې د نجونو زده کړو مخالفت نه کوي، خو اصول ورته جوړوي.
