اخوا سیاسي چارو شنونکي بیا وايي،د اروپايي ټولنې دې اقدام ته تمې پيدا شوي،چې نورو نړیوالو سازمانونو او هېوادونو سره به د اسلامي امارت اړیکې نږدې او د شته ستونزو حل کې به مرسته وکړي.
شنونکی جاوید مومند وايي:« د اروپايي ټولنې د دفتر پرانېستل یو ښه ګام دی،له دې سره به د طالبانو او نورو هېوادنو اړیکې پیاوړې شي او مرستې به زیاتې شي.»
یو شمېر شنونکي په دې باوري دي،چې د اروپايي ټولنې دفتر پرانېستل د طالبانو پر رسمیت پېژندې په مانا نه دي، بلکې د خپلو اندېښنو د رفع کېدو لپاره هڅه کوي،چې له افغان ولس سره مرسته وکړي.
شنونکی ویس ناصري وايي:« د اورپايي ټولنې د دفتر پرانېستل د رسمیت پېژندنې په مانا نه دي او اورپايي ټولنه د خپلو اندېښنو لپاره غواړي،خپلې مرستې جاري وساتي.»
پخواني دیپلوماتان بیا د اروپايي ټولنې او طالبانو تر منځ د خبرو یادونه کوي او زیاتوي،چې دغه ټولنه خپل دفتر د ځینو وړاندیزونو او غوښتنو پر اساس بېرته فعاله کوي او موخه یې یوازې بشري مرسته کول دي.
د تېر حکومت له پرځیدو سره جوخت په افغانستان کې د اروپايي ټولنې په ګډون ډېری نړیوالو سازمانونو،ټولنو او ګڼو سفارتونو خپلې دروازې بندې کړې او له افغانستان څخه ووتل،خو شته ځينې سفارتونه چې تراوسه یې فعالیت نه دی درولی.
