Skip to content
د افغانستان ملکي هوايي چلن اداره وايي، د کابل نړیوال هوايي ډګر نړیوالو الوتنو ته چمتو شوی او وخت یې دی چې نړیوالې الوتنې ترې پیل شي.
دغې ادارې له نړیوالو هوايي شرکتونود غوښتي چې افغانستان ته خپلې الوتنې بیرته پیل کړي.
د ملکي هوايي چلن ادارې د خبر پاڼې یوه برخه: «د کورنیو او بهرنیو ملکي او سوداګریزو الوتنو لپاره د کابل هوايي ډګر چمتو شوی دی. هوډ لرو چې ټولې ستونزې حل او الوتنې عادي حالت ته را وګرځول شي.»
تحلیل کوونکي بیا د کابل له نړیوال هوايي ډګره د نړیوالو الوتنو د نه پیلېدو یو بل لامل د دولتونو بې باوري بولي، چې تر اوسه کابل د سیمې او نړۍ هېوادونو ته قناعت نه دی ورکړی.
د سیاسي چارو تحلیل کوونکی عبدالحی قانت وايي: «د نړیوالو الوتنو ستونزه نه شته، خو باور د دولتونو ترمنځ مهم دی، کله چي باور رامنځته شي، د حکومتونو ترمنځ د نړیوالو الوتنو ستونزه به خپله حل شي.»
ځیني نور بیا وايي، نړیوالي الوتني په ملکي برخو پوري تړاو لري او د دې امکان نه شته چي نړیوالي الوتني دې بندې شي.
د سیاسي چارو شنونکی میربت خان منګل وايي: «نړیوالې الوتنې خو ملکي نو په دې تړاو د حکومتونو بندیزونو ته اړتیا نشته، چي په امارت یې لګولي دي، ملکي الوتنې ترسره کیږي او کوم ممانعت نه شته دی.»
مسوولین داسې مهال نړیوالو الوتنو ته د کابل له نړیوال هوايي ډګره د چمتووالی خبره کوي چې د یکشنبې پر شپه د ترکیې ولسمشر رجب طیب اردوغان د کابل هوايي ډګر د امنیتي او عملیاتي چارو مسوولیت له اخېستلو انکار وکړ.
د کابل هوایي دګر ته په تیره یوه میاشت کې یوازې د پاکستان، ایران او قطر الوتکو الوتنې کړي دي.
