هند: سیمه او ګاونډیان دې د افغانستان کړکېچ دځان په ګټه نه کاروي

د هند لومړي وزیر نریندرا مودي دملګرو ملتونو عمومي ناستې ته ویلي، هېوادونه نه باید د افغانستان له کړکېچه د ځان په ګټه کار واخلي.

نریندرا مودي دا څرګندونې وروسته له هغې وکړې، چې د پاکستان لومړي وزیر عمران خان یادې غونډې ته په وینا کې له نړیوالې ټولنې طالبانو سره د ګډ کار کولو غوښتنه وکړه.

مودي ټینګار وکړ، چې دا باید تر هرڅه وړاندې باوري کړل شي، چې د افغانستان خاوره بیا د ترهګرۍ په ځاله نه بدلېږي.

د هند لومړي وزیر تېره ورځ له امریکايي ولسمشر جو بایډن سره هم لیدلي او د افغانستان سربېره یې پر نورو مسایلو بحثونه کړي دي.