روسیه: ملګرو ملتونو تر اوسه پر طالب مشرانو د بندیزونو پر کمولو او یا لېرې کولو غور نه دی کړی

د روسیې د بهرنیو چارو وزیر تېره ورځ په نیویارک ښار کې د ملګرو ملتونو د عمومي اسمبلۍ څنډه کې رسنیو ته ویلي، چې تر اوسه کوم هېواد هم امنیت شورا ته دا وړاندیز نه دی کړی.

روسیه د ملګرو ملتونو د امنیت شورا د پنځه دایمي غړو له ډلې یو هغه یې دی، چې د بندیزونو په لېرې کولو او وضع کولو کې مهم رول لري.

د روسیې ټاس خبري اژانس راپور کې دا هم ویلي، چې سرګي لاوروف ډاډ ښودلی، چې دغه بندیزونه له اسلامي امارت سره د مسکو پر اړیکو کوم اغېز نه لري.