پکتیا کې د ځمکې پر سر نښته کې دری وروڼه وژل شوي او څلورم یې ټپي دی

د پکتیا مرکز ګردیز ښار لومړۍ امنیتي حوزې اړوند شکر خیلو سیمې اوسیدونکي وایي، چې تېر ماښام د ملک رحیم او نور محمد د کورنیو تر منځ د ځمکې پر سر شخړه رامنځته شوې او وروسته د ډزو له کبله د یوې کورنۍ دری وروڼه وژل شوي او بل ټپي شوی دی.

د پکتیا اطلاعاتو او کلتور رییس خالقیار احمدزی وایي، چې د مقابلې کورنۍ دری غړي د نظامي کسانو له لوري نیول شوي او د هغه کس د نیولو هڅې هم روانې دی، چې د تره پر زامنو یې ډزې کړي او مرګ ژوبله یې ور اړولې ده.