د سولې په اړه د سیاسیونو او احزابو طرحه باندې بحثونه پای ته رسېدلی دي.
د سیاسي احزابو او پخوانیو چارواکو له ۵ میاشتو را په دې خوا د سولې په اړه په یوې نوې طرحې باندې کار پیل کړی او په دې اړه مهمې ناستې شوي چې اوس پرې مزاکرات پای ته رسېدلي دي او ټاکل شوې راتلونکې اونۍ اعلان شي.
نوې طرحه کې د پام وړټکي طالبانو سره د خبرو څرنګوالی، د بین الافغانی مزاکراتو پیل او له سولې وروسته د حکومت ډول او د نظام ساتنې جوړښت شامل دي چې نوې اونۍ کې به اعلان شي. د سولې نوې طرحه چې د حکومت له طرحې سره په شرایطو کې بېله جوړیږي حکومت، طالبانو او نړیوالې ټولنې سره شریکېږي.
د سولې په خبرو کې د حکومت موقف واضح دی او د شرط لپاره یې اوربند وړاندې کړی چې طالبانو نه دی منلی او امریکا سره یې د تاوتریخوالي په کمښت ناعلان شوی توافق کړی دی.
د حکومت په ۷ مادیزه طرحه کې د افغان حکومت په مشرۍ مخامخ له طالبانو سره په خبرو ټینګار شوی دی.
حاجي دین محمد چې د سولې په برخه کې فعال دی وايي د سیاسي احزابو او سیاسیونو د سولې طرحه له افغان حکومت، طالبانو او نړیوالو همکارانو سره شریکېږي .
نوې طرحه زیاته واضح نه ده چې سرې کرښې به یې څه وي، خو د خبرو مخکې شرطونه ښه تجربه نه ده بلل شوې.
سره له دې چې د امریکا او طالبانو خبرې پای ته رسېدلې دي، خو توافق په نویو غوښتنو او شرایطو له لاسلیک پاتې دی.
افغان حکومت د سولې د خبرو لپاره پلاوی ټاکلی خو تر اوسه یې نه دی اعلان کړی.
طلبانو سره د خبرو لپاره په یوه داسې جامع پلاوي ټینګار کېږي چې د افغانانو لپاره د منلو وړ اوسي او سوله خپل لومړیتوب ومني.
