د سړک غاړې ماین چاودنې د هلمند سرحدي لوا قوماندان وژلی او د شمشاد خبریال سردار محمد سروري یې ټپي کړی دی.
په هلمند کې د شمشاد خبریال سردار محمد سروري له افغان ځواکونو سره په مارجې ولسوالۍ کې تازه پيل شوو عملیاتو ته روان و.
ماین چاودنه د ناوې ولسوالۍ اړوند سیمه کې شوې ده.
د مالوماتو له مخې چاودنه کې د هلمند سرحدي لوا قوماندان جنرال ظاهر ګل مقبل وژل شوی او د شمشاد خبریال سربیره یو شمېر کسان ټپيان شوي دي.
ویل کېږي چې د مقبل له موټره نور موټرې هم مخکې وې خو تر پله لاندې ماین هغه مهال چاودنه کړې چې د دغه جنرال موټر ورته راورسېد .
