د ناټو سرمنشي ینس سټولټنبرګ، د بلجیم پلازمېنه بروکسل کې یوه کنفرانس ته په وینا کې د افغان سولې د مذاکراتو د بیا پیل هرکلی کړی.
ینس سټولټنبرګ ویلي، طالبانو ته پکار ده چې، پر يوې باوري هوکړې د سلا کېدو لپاره واقعي جوړجاړى وښيي.
دغه راز سټولټنبرګ ویلي، ناټو د افغان امنيتي ځواکونو ملاتړ ته تر هغې دوام ورکوي، چې د سولې لپاره شرايط برابر شي.
د افغان سولې پر سر د امریکا او طالبانو د خبرو د بیا پېلیدو اعلان د امریکا ولسمشر ډونالډ ټرمپ وړمه شپه بګرام هوایي ډګر کې وکړ.
د ډونالډ ټرمپ په وینا طالبان غواړي چې یوې هوکړې ته ورسېږي.
له دې سره افغان ولسمشر اشرف غني ویلي، امریکا دې د افغانستان د سولې لپاره کرښې نه کاږي.
ولسمشر غني وایي، طالبانو ته به ډېر واک ورنه کړي، خو افغانستان حاضر دی چې د امریکا امنیت او د افغانانو ازادي تضمین کړي.
د طالبانو او امریکا ترمنځ د سولې خبرې د ټرمپ لخوا ظاهراً په کابل کې د یو برید له امله وځنډول شوې.
