په تېره یوه میاشت کې ۷ داعش وسله وال تسلیم شوي.
ننګرهار کې ۷ سوه داعش وسله وال د سلګونه ښځو او ماشومانو سره يو ځای امنيتي ځواکونو ته تسليم شوي دي.
ننګرهار کې د ۲۰۱ سيلاب قول اردو مسئولين وايي، چې د تېرې يوې مياشتې په موده کې امنيتي ځواکونو ته اووه سوه داعش وسله وال د لسګونه ښځو او ماشومانو سره يو ځای حکومت ته تسليم شوي دي.
د مالوماتو له مخې يادو داعش وسله والو خپلې سلګونه ميله درنې او سپکې وسلې هم امنيتي ځواکونو ته تسليم کړي دي.
په وروستي ځل اچين ولسوالۍ کې تر ټولو سخت پوځي عمليات تر سره شول، چې له امله يې داعش وسله والو ماتې وخوړه او ډلې – ډلې د خپلو وسلو مېرمنو او ماشوانو سرهحکومت ته تسليم شول.
چارواکي وایي چې اوس هم په اچين ولسوالۍ کې عمليات دوام لري او د داعش غړو د تسليمۍ لړۍ روانه ده .
