هرو دوه سوو افغانانو کې درې یې د شکرې په ناروغي اخته دي.
د روغتیا وزارت چې د شکرې ناروغي نړیواله ورځ یې نمانځله انديښنه وښوده چې د شکرې ناروغانو شمېر اوس تر بل هر وخت ډير دی.
د غوړو زیات استعمال، ناسم خواړه او زیات وزن هغه لاملونه یادیږي چې د شکرې ناروغۍ ګواښ یې زیات کړی.
د روغتیا وزارت د شکرې ناروغي نړیواله ورځ په داسې حال کې نمانځي چې د شکرې ناروغانو شمېر زیات شوی دی.
داسې انګیرنه وه چې د شکرې ناروغي یواځې د ډير عمر لرونکو خلکو کې وي، خو د روغتیا نړیوال سازمان مالومات ښيي چې کم عمره کسانو کې هم دا ناروغي شته.
روغتیا نړیوال سازمان ژمنه کړې چې د شکرې ناروغي په کنټرول کې به له افغانانو سره مرسته وکړي.
په ټوله نړۍ کې ۴۲۲ میلیونه خلک په شکرې ناروغۍ اخته دي چې ۱۹۹ میلیونه یې ښځې جوړوي.
د روغتیا نړیوال سازمان مالومات ښيي چې نړۍ کې هر کال یو اشاریه شپږ میلیونه خلک ددې ناروغۍ له امله خپل ژوند له لاسه ورکوي .
