د هلمند یو شمیر مدني فعالانو او عامو خلکو د بریښنا ریاست دروازه د دویم ځل لپاره وتړله.
هلمند کې مدني فعالانو او یو شمېر ښاریانو د برېښنا ریاست دروازه دد ویم ځل لپاره وتړل.
دوی وایي څه موده وړاندې چارواکو ورسره ژمنه کړې وه چې د برېښنا بیه به ټیټه کړي خو تر اوسه په دې برخه کې یوه ژمنه هم نه ده عملي شوې او د برښنا بیې په خپل ځای پاتې دي.
دوی ګواښ کوي تر هغه به د برېښنا ریاست دروازه تړلې وي او د کار اجازه به ورنکړي چې د برېښنا په بیه کې ټيټوالی نه وي راغلی.
مدني فعالانو د یاد ریاست مخې ته د احتجاج خیمه هم وهلې ده.
د دوی په خبره، د اداري غونډې د پریکړې سره سم د یو کلیواټ بیه یوه نیمه افغانۍ ټاکل شوې وه خو برښنا شرکت یې نه مني.
د بریښنا ریاست چارواکي بیاد یو شمیر مدني فعالانو نیوکې رد کړې.
د افغانستان بریښنا شرکت د کجکي بریښنا فابریکه یوې ترکۍ ۷۷ کمپنۍ ته په قرارداد ورکړې ، چي یاده کمپنۍ بریښنا شرکت ته یو کیلواټ بریښنا په ۶ سینټه ډالره ورکوي او یاده کمپنۍ یې په مقابل کي د ۱۰۰ میګاواټه په اندازه د کجکي بریښنا دوهم فاز جوړوي .
