ټاکنو کمېسیون د څه باندې پنځه سوه ورکو شویو بایومټریکي آلو او اس ډي کارټونو رايې باطلې کړې دي.
د ټاکنو په ورځ او وروسته د بایومټریکو آلو او اس ډي کارټونو ورکېدل او د زورواکو له خوا په لوی لاس له ځان سره ساتل په ښکاره د رایی ورکونکو د حق سلبول دي.
ټاکنو کمېسیون مالومه کړې چې څه باندې پنځه سوه بایومټریکي آلې او اس ډي کارټونه په بیلابیلو سیمو کې زورواکو له ځان سره ساتلي او یا هم ورک شوي دي.
کمېسیون په دې برخه کې پریکړه وروستۍ کړې وايي، د ټولو ورکو شویو آلو او اس ډي کارټونو رايي باطلې دي.
کمېسیون یې د رایو په اړه څه نه وايي، خو آټکل دا دی چې لږ تر لږه سل زره رایې په دې آلو کې درج شوی دي.
د ټاکنو څار بنسټ فیفا وايي، کمېسیون د خلکو د هرې رایې په وړاندې مکلف دی چې ځواب وايي.
درملوک کمپنۍ د نن ورځې تر سهاره بیا د راپور ورکولو برخه کې خپله ژمنه پوره نه کړه چې د ځنډ دا چاره د ټاکنیزو ټیمونو د څارونکو له نیوکو سره مخ ده.
د ټاکنو کمېسیون مسولین وايي، کله چې درملوک کمپنۍ دوی ته راپور وسپاري له هغې وروسته به دوی په مخ کې شته کارونو باندې چټک کار پيل کړي تر څو د نوي مهالویش سره سم لومړنۍ او وروستۍ پایلې اعلان کړي.
