ګلبدین حکمتیار بیا د لنډ مهاله حکومت د جوړولو غوښتنه وکړه.
د ولسمشرۍ نوماند ګلبدین حکمتیار وايي، ولسمشریزې ټاکنې له درغلیو ډکې وې او هیڅ ټیم په لومړي پړاو کې ګټونکی نه دی.
حکمتیار وویل د هوا د سړښت له امله دویم پړاو ټاکنې نه شي ترسره کېدی نو تر راتلونکي پسرلي پورې باید موقت حکومت جوړ شي او هغه دې دویم پړاو ټاکنې وکړي.
حکمتیار وویل، تر دې دمه یو میلیون داسې رایې مشخصې شوې دي چې هغه په درغلۍ او فساد سره صندقونو ته اچول شوې وې.
هغه د ټاکنیزو جرایمو څیړلو لپاره د یوې ځانګړې محکمې د جوړیدو غوښتنه هم وکړه او همدا راز یې زیاته کړه چې د ټاکنو پایلې ځنډول د منلو نه دي.
دغه څرګندونې په داسې مهال کیږي، چې د ټاکنو کمیسیون د تیرو ټاکنو د پایلو اعلان ته نږدې ښکاري او ډاډ ورکوي، چې په نږدې ورځو کې به د ټاکنو لومړنۍ پاېلې اعلان شي.
