په قطر کې د طالبانو او امریکا مبهمو خبرو افغان مېرمنې اندېښمنې کړي دي.
طالبانو سره مبهمو خبرو او د موقت حکومت ډونډرې ښځې انديښمنې کړي دي.
د ښْځو شبکې غړي ټینګار کوي چې حکومت او امریکا دې له طالبانو سره د ترسره شویو خبرو او مذاکراتو په اړه معلومات خپاره کړي چې د ښځو وضعیت په کې څه ډول دی.
میرمنو په یوه غونډه کې د اوسني نظام د دوام غوښتنه وکړه او له موقت حکومت سره یې مخالفت وښود.
اندیښنه دا ده چې د امریکا او طالبانو ترمنځ خبرو کې ولې ځینې موضوعات پټ ساتل کیږي چې د ښځو حقوق پکې ساتل کیږي او که نه؟
په غونډه کې مېرمنو د اوسني نظام د دوام او پياوړتیا غوښتنه وکړه.
د ولسي جرګې غړې شینکۍ کړوخېل داسې وویل (( موږ غواړو چې موجوده نظام نور هم پیاوړی شي، د ښځو ونډه په کې نوره هم پراخه او پياوړې شي، ښځې د افغانستان نیمايي نفوس دی او ضروري ده، چې حقوق او لاسته راوړنې یې د پښو لاندې نه شي.))
دلته په هغو اشخاصو او ډلو هم نیوکې وشوې چې د موقت حکومت ډنډوره یې رامنځ ته کړې او خبرداری ورکړل شو چې څو محدود اشخاص د ټول ملت استازیتوب نه شي کولی او هېواد دې د بحران خواته نه بیايي.
له طالبانو سره په ترسره شویو خبرو کې د ښځو په استازیتوب ګڼو مېرمنو ګډوڼ کړی خو د مېرمنو د حقونو برخه کې کومې ستونزې چې باید له طالبانو سره شریکې شوي وای میرمنې لا هم تر اوسه نه دي توانیدلي چې شریکې یې کړي او ډاډ ترلاسه کړي.
